”میرے شوہر اور ان کے ملک ۔۔۔“بھارتی سوشل میڈیا صارف نے پاکستان کے یوم آزادی کے موقع پر ثانیہ مرزا کو طنزیہ مبارک باد دی تو آگے سے بھارتی ٹینس سٹار نے کرارا جواب دے دیا
نئی دہلی(ڈیلی پاکستان آن لائن) پاکستان اور بھارت کے مابین سیاسی صورتحال کی وجہ سے کرکٹر شعیب ملک کی اہلیہ ثانیہ مرزا کو بھارت میں تنقید کا نشانہ بننا پڑتا ہے۔
تفصیلات کے مطابق پاکستان کے یوم آزادی کے موقع پربھی بھارتی ٹینس سٹار و پاکستانی کرکٹر شعیب ملک کی اہلیہ ثانیہ مرزا کو شدید تنقید کا سامنا کرنا پڑ رہا ہے،پاکستان کے جشن آزادی کے موقع پر بھارتی صارف رومیو گولڈ2.0 نے سماجی رابطوں کی ویب سائیٹ ٹویٹر پر ثانیہ مرزا کو مخاطب کرکے کہاکہ ثانیہ مرزا آپ کو یوم آزادی مبارک ،آپ کا یوم آزادی آج ہے نا۔
Happy Independence @MirzaSania Aapka Independence Day Aaj Hai Na
— ROMEOᴳᴼᴸᴰ2.0 (@imsamkhiladi) August 14, 2018
جس پر ثانیہ مرزا نے ٹویٹ کا جواب دیتے ہوئے کہا کہ جی نہیں میرا اور میرے ملک کو یوم آزادی کل ہے ،اور میرے شوہر اور ان کے ملک کا آج ہے ،امید کرتی ہوں کہ آپ کا کنفیوژن دور ہو گیا ہوگا،ویسے آپ کا کب ہے؟؟ویسے آپ کافی کنفیوژ لگ رہے ہیں۔
Jee nahi.. mera aur mere country ka Independence Day kal hai, aur mere husband aur unnki country ka aaj!! Hope your confusion is cleared !!Waise aapka kab hai?? Since you seem very confused .. https://t.co/JAmyorH0dV
— Sania Mirza (@MirzaSania) August 14, 2018
اس کے بعد بھارتی ٹینس سٹار ثانیہ مرزا نےٹویٹ کرتے ہوئے پاکستان کو یوم آزادی مبارکباد دیتے ہوئے کہا کہ میرے پاکستانی دوستوں اور مداحوں کو جشن آزادی مبارک ہو، آپ کی بھارتی بھابی کی جانب سے نیک تمنائیں اور ڈھیر ساری محبت۔