ڈرامہ سیریل ’’حورپری‘‘ جلد ہی نجی ٹی وی سے نشر کی جائے گی

لاہور(فلم رپورٹر)ڈائریکٹر محمداشعر اصغرنے نئی ڈرامہ سیریل ’’حورپری‘ ‘جلد ہی نجی ٹی وی سے نشر کی جائے گی جس کی پرموشن ان دنوں زوروں پر جس کے ساتھ ساتھ ریکارڈنگ بھی جاری ہے۔ مائی پروڈکشن کے اس میگاپراجیکٹ کے پروڈیوسر مبشرحسن ہیں۔سیریل کی کہانی کے رحمن نے تحریر کی ہے ،ڈی اوپی راشد عباس،ایسوسی ایٹ ڈائریکٹر شاہداکرم،میک اپ فرح دیبا،آرٹ ڈائریکٹر ذیشان عادل شانی اور لائن پروڈیوسر جوادبٹ ہیں جبکہ کاسٹ میں ثمن انصاری،علیزے شاہ،عمارہ بٹ،سلیم شیخ،نادیہ افگن،حسیب خان،فرح طفیل،عثمان بٹ،ارمان علی پاشا،جواد بٹ اور نسرین قریشی شامل ہیں۔
ڈرامے میں ثمن انصاری ایسی عورت کا کردار کررہی ہیں جنہیں شوہر کی وفات کے بعداپنی دوبیٹیوں کی پرورش کے لئے شدید مشکلات کا سامنا کرنا پڑتا ہے لیکن وہ ہمت ہارنے کی بجائے معاشرے کے سامنے ڈٹ جاتی ہیں۔ ان کی بیٹیوں کا کردار علیزے شاہ اور عمارہ بٹ کررہی ہیں۔ اشعراصغر کے ساتھ ساتھ پوری کاسٹ ڈرامے کے بارے میں نہایت پرجوش ہے۔ذرائع نے بتایا ہے کہ ڈرامہ ماہ رواں میں ہی آن ائیرکردیا جائے گا۔