انفولینسر فٹبال لیگ کا آغاز ہوگیا

لاہور (ویب ڈیسک) انفولینسر فٹبال لیگ کا آغاز ہوگیا ،ایونٹ کے افتتاحی روز گرلز فٹبال کھلاڑیوں کے مابین نمائشی میچ کے ساتھ پاکستان مینز فٹبال ٹیم اور لیگ میں شامل ٹیموں کے تمام کپتان بھی مد مقابل آئے۔
ڈی ایچ اے میگا سپورٹس ایرینا میں شروع ہونے والے ٹورنامنٹ میں مجموعی طور پرکل 12 ٹیمیں شرکت کر رہی ہیں اور ہر  ٹیم 7  کھلاڑیوں پر مشتمل ہوگی جبکہ   تمام ٹیموں میں پاکستان کی نمائندگی کرنے والے  کھلاڑی بھی شامل کیے گئے ہیں۔

ٹورنامنٹ کی آرگنائزنگ کمیٹی میں وقیع الرحمن،رضوان کاظمی اور اسجد سلیمی پر مشتمل ہے۔ایونٹ کے آرگنائزر وقیع الرحمن اور اسجد سلیمی کا کہنا تھا کہ لیگ کے انعقاد کا مقصد نوجوان فٹبالرز کو اپنی صلاحیتوں کے اظہار کا موقع فراہم کرنا اور مستقبل میں اس لیگ کو مزید وسیع کرینگے۔
ایونٹ میں شریک کھلاڑیوں کا کہنا ہے کہ ٹورنامنٹ کا انعقاد خوش آئند ہے،اس طرح کے ٹورنامنٹس سے کھیل کو فروغ ملتا ہے۔ افتتاحی تقریب کے موقع پر  تمام ٹیموں کی کٹ لانچنگ بھی گئی ،  میچ دیکھنے کیلئے شائقینِ کی کثیر تعداد بھی موجود تھی۔