فچ نے پاکستان کا معاشی منظرنامہ منفی سے بڑھا کر مستحکم قرار دیدیا

اسلام آباد(ڈیلی پاکستان آن لائن)بین الاقوامی ریٹنگ ایجنسی  نے پاکستان کی کریڈٹ ریٹنگ اپ گریڈ کردی۔

نجی ٹی وی چینل جیو نیوز کے مطابق فچ نے پاکستان کی معاشی آؤٹ لک  مستحکم قرار دیدی،فچ نے پاکستان کی ریٹنگ ٹرپل سی پلس سے بہتر کرکے بی مائنس کردی۔

فچ اعلامیہ میں کہا گیا ہے کہ فچ نے پاکستان کی کریڈٹ ریٹنگ میں بہتری کردی،پاکستان کی طویل مدتی غیرملکی قرضہ جاتی ریٹنگ کو ٹرپل سی پلس سے بڑھا کر بی مائنس کردی،پاکستان کی مقامی کرنسی کی ریٹنگ  بھی بی مائنس کردی گئی۔

پاکستان کی معاشی صورتحال سے متعلق آوٹ لک کو منفی سے مستحکم کردیا گیا،اعلامیہ میں کہا گیا ہے کہ یہ اپ گریڈپاکستان کے بجٹ خسارے کو کم کرنے، معاشی اصلاحات کے تسلسل پر بڑھتے اعتماد کامظہر ہے،پاکستان کا آئی ایم ایف پروگرام پر عملدرآمد بہتر ہوا، فنانسنگ تک رسائی میں بھی آسانی ہوئی،اعلامیہ میں مزید کہا گیاہے کہ توقع ہے جون تک پاکستان کا مجموعی بجٹ خسارہ کم ہو کر 6فیصد ہو جائےگادرمیانی مدت میں یہ خسارہ تقریباً5فیصد تک محدود رہنے کی امید ہے،مالی سال 2024میں یہ خسارہ تقریباً7فیصد تھا۔