68 سالہ اداکارہ نے مرے ہوئے بیٹے کے نطفے سے بچی کو جنم دے دیا

میڈرڈ (ڈیلی پاکستان آن لائن) ہسپانوی اداکارہ آنا اوبریگون اب 70 سال کی ہیں، نے اپنے  بیٹے الس لیقیو کے منجمد سپرم اور ڈونر انڈے کی مدد سے 68 سال کی عمر میں اپنی پوتی کو جنم دیا۔ الس کی 27 سال کی عمر میں کینسر سے  موت ہوگئی تھی۔ اس  نے اپنی زندگی میں ہی اپنا سپرم محفوظ کروا لیا تھا۔

دی مرر کے مطابق آنا نے اعتراف کیا کہ بیٹے کی موت کے بعد وہ تین سال تک "مردہ" کی مانند تھیں لیکن اب ان کی پوتی انیتا نے ان کی زندگی میں خوشی واپس لا دی ہے۔ انہوں نے کہا "میں جانتی ہوں کہ الس کے ساتھ والی خوشی کبھی واپس نہیں آئے گی، لیکن انیتا نے میری زندگی کو روشن کر دیا ہے۔"

آنا نے انیتا کی پہلے سالگرہ کے موقع پر انسٹاگرام پر ایک جذباتی پوسٹ شیئر کی، جس میں انہوں نے بیٹے اور پوتی کے درمیان مماثلت پر روشنی ڈالی۔ انہوں نے لکھا، "تم اپنے والد کی ہو بہو نقل ہو، اور تم نے میرے دل کو روشنی سے بھر دیا ہے۔"

ہسپانوی قانون کے تحت سروگیسی غیر قانونی ہے اس لیے آنا نے امریکہ میں اس عمل کو مکمل کیا۔ اگرچہ ان کے فیصلے پر کچھ تنقید ہوئی لیکن انہیں کئی حلقوں کی طرف سے حمایت بھی ملی۔ آنا نے اشارہ دیا کہ وہ مستقبل میں مزید بچوں کو جنم دینے پر غور کر سکتی ہیں، کیونکہ ان کے بیٹے کی خواہش تھی کہ ان کے پانچ بچے ہوں۔