میری یہ قربانی دنیا کو بچانے کیلئے ضروری ہے" نشے میں دھت لڑکی نے اپنی دونوں آنکھیں نکال دیں

"

واشنگٹن  (ڈیلی پاکستان آن لائن)  کیلی مٹھارٹ نامی لڑکی نے  2018 میں میتھ کے نشے میں اپنی آنکھیں نکال  دی تھیں۔ ستائیس سالہ لڑکی کو  حال ہی میں ایک ریستوران سے نوکری سے نکال دیا گیا ہے۔  کیلی نے بتایا کہ انہیں بلیوں کو کھانا کھلانے کی وجہ سے نوکری سے ہاتھ دھونا پڑا، لیکن وہ اپنے اصولوں پر قائم رہیں۔

دی مرر کے مطابق کیلی  اب مکمل طور پر نابینا ہیں۔ انہوں  نے ایک انٹرویو میں بتایا کہ وہ اپنی نوکری سے محروم ہونے کے باوجود مثبت سوچ رکھتی ہیں۔ ان کا کہنا تھا کہ وہ ہر روز بلی کو اپنا کھانا کھلاتی تھیں، چاہے اس کی وجہ سے انہیں نوکری ہی کیوں نہ گنوانی پڑے۔ انہوں نے کہا "میں اپنے ضمیر کے مطابق کام کرتی ہوں اور اس پر فخر محسوس کرتی ہوں۔"

کیلی امریکی ریاست  جنوبی کیرولائنا کی رہنے والی ہیں۔ انہوں  نے بتایا کہ وہ ایک نئی نوکری کی تلاش میں ہیں اور مستقبل میں ایک غیر منافع بخش تنظیم قائم کرنا چاہتی ہیں، جو نشے اور ذہنی صحت کے مسائل سے نمٹنے میں مدد کرے۔ وہ موٹیویشنل سپیکر بننے اور موسیقی سیکھنے کی بھی خواہش رکھتی ہیں۔

دو ہزار اٹھارہ میں  میتھ کے شدید نشے کے دوران کیلی کو ایک نفسیاتی دورہ پڑا تھا، جس میں انہوں نے اپنی آنکھیں نکال لی تھیں۔ ان کا خیال تھا کہ یہ "قربانی" دنیا کو بچانے کے لیے ضروری ہے۔ اب وہ مکمل طور پر نشے سے پاک زندگی گزار رہی ہیں اور اپنی مذہبی عقیدت کو اپنی طاقت قرار دیتی ہیں۔