ویمنز انڈر 19 ایشیاء کپ: بھارت کے ہاتھوں پاکستان کو 9 وکٹوں سے شکست
کوالالمپور(ڈیلی پاکستان آن لائن) ویمنز انڈر 19 ٹی 20 ایشیا ءکپ کے میچ میں بھارت نے پاکستان کو 9 وکٹوں سے شکست دے دی۔
ویمنز انڈر 19 ٹی 20 ایشیا ءکپ میں پاکستان اور بھارت کے درمیان میچ بائیو ماس کرکٹ اوول گراؤنڈ میں کھیلا گیا، پاکستان نے بھارت کے خلاف ٹاس جیت کر پہلے بیٹنگ کرنے کا فیصلہ کیا۔
پاکستان نے پہلے بیٹنگ کرتے ہوئے بھارت کو جیت کے لیے 68 رنز کا ہدف دیا جو بھارت نے ایک وکٹ کے نقصان پر حاصل کر لیا۔
خیال رہے کہ ویمنز انڈر 19 ٹی 20 ایشیا ءکپ 15 سے 22 دسمبر تک ملائیشیا کے شہر کوالالمپور میں کھیلا جائے گا، پاکستانی ٹیم اپنا دوسرا میچ 16 دسمبر کو نیپال کے خلاف کھیلے گی۔
