سانگھڑ میں اونٹ کی ٹانگ کاٹنے کا نوٹس،5ملزم گرفتار
سانگھڑ (ڈیلی پاکستان آن لائن) وزیراعلیٰ سندھ سید مراد علی شاہ نے سانگھڑ میں ذاتی عداوت پر بے زبان جانور اونٹ کی ٹانگ کاٹنے کا نوٹس لے لیا۔
وزیراطلاعات سندھ شرجیل میمن نے بتایا ہے کہ ملزمان کے خلاف مقدمہ درج کرکے 5 افرادکو گرفتار کر لیا گیا،ملزمان اور اونٹ کے مالک میں معاملات طے ہو چکے تھے لیکن انسانی طور پر یہ ناقابل قبول ہے، اس لئے ریاست کی مدعیت میں مقدمہ درج کیاگیا۔
