بلکسر کے قریب موٹروے پر کار کی ٹرک سے ٹکر، ماں اور بیٹا جاں بحق

چکوال (ڈیلی پاکستان آن لائن)بلکسر کے قریب موٹروے  پر کار کی ٹرک سے ٹکرکے نتیجے میں ماں بیٹے جاں بحق جبکہ 3افراد زخمی ہو گئے ۔

نجی ٹی وی چینل دنیا نیوز کے مطابق ریسکیو حکام کے مطابق زخمیوں میں 2بچے شامل ہیں جبکہ ایک بچی کی حالت تشویشناک  ہے،جاں بحق ہونے والوں میں 45سالہ ساجدہ اور 17سالہ بیٹا جبران شامل ہیں جبکہ زخمیوں میں شوہراسجد، بیٹا حریرہ اور 14سالہ بیٹی حرین شامل ہیں جنہیں کلر کہار ٹراما سنٹر منتقل کردیا گیا۔ 

ریسکیو حکام کے مطابق حادثہ کار ڈرائیور کے سو جانے کی وجہ سے پیش آیا،کار میں فیملی راوی روڈ لاہور کی رہائشی ہے۔