وزیراعلیٰ مریم نوازکی”پنجاب دیہاڑ“کی تقریب میں شرکت، پرتپاک استقبال، پنجاب کے حسین نظاروں پر مشتمل آرٹ نمائش کا افتتاح کیا

وزیراعلیٰ مریم نوازکی”پنجاب دیہاڑ“کی تقریب میں شرکت، پرتپاک استقبال، ...
وزیراعلیٰ مریم نوازکی”پنجاب دیہاڑ“کی تقریب میں شرکت، پرتپاک استقبال، پنجاب کے حسین نظاروں پر مشتمل آرٹ نمائش کا افتتاح کیا

  IOS Dailypakistan app Android Dailypakistan app

لاہور ( ڈیلی پاکستان آن لائن )”شالا وسدا روے پنجاب“صوبہ کی تاریخ میں پہلی مرتبہ پنجاب دیہاڑ کی3 روزہ رنگا رنگ تقریبات کاالحمراء میں آغاز ہوگیا۔وزیراعلیٰ مریم نواز نے محکمہ اطلاعات وثقافت کے زیر اہتمام پنجاب دیہاڑ کی تقریب میں خصوصی طورپر شرکت کی۔ وزیراعلیٰ  کے الحمراء آرٹس کونسل پہنچنے پر روایتی انداز میں پرتپاک استقبال کیاگیا۔الحمراء آرٹس کونسل کے احاطے میں ڈھول کی دھمک، رنگیلے گھوڑے، اونٹوں کا مست رقص اور فوک موسیقی بھی پیش کی گئی۔


وزیراعلیٰ مریم نواز نے استاد اللہ بخش گیلری میں پنجاب کے حسین نظاروں پر مشتمل آرٹ نمائش کا افتتاح بھی کیا۔ذوالفقار زلفی کی بنائی پینٹنگ میں لاہور کی ثقافت کی شاندار عکاسی کی گئی۔ وزیراعلیٰ نے پینٹنگ کو سراہا۔وزیر اطلاعات وثقافت عظمیٰ زاہد بخاری نے خطاب میں تفصیلی بریفنگ دی اور وزیراعلیٰ کی آمد کا خیر مقدم کیاگیا۔وزیر اعلیٰ مریم نواز نے برنی گارڈن میں انوکھے اور منفرد”پنڈ“ کاتفصیلی دورہ کیا۔وزیراعلیٰ  نے چوڑیوں، کھگو گھوڑے، کھسے، بلاک پرنٹ،مکیش اور گوٹا کناری ملبوسات میں گہری دلچسپی کا اظہار کیا۔دستکاری،پنجابی پگڑی، شملے،گنڈاسا، کھنڈا،ہڑپہ اور ٹیکسلا آرٹ نمونوں کے سٹال کا معائنہ کیا۔وزیراعلیٰ  نے گندھارا آرٹ مجسمے، ایمبرائیڈری آرٹ،سولر پینٹنگ پینسل مائیکرو آرٹ اور چاول کے دانے پر خطاطی دیکھی۔ کھجور کے رنگ برنگ پتوں سے بنی چھابی، پچھی، چنگیر،پلیٹ، پکھے کی بناوٹ کا مشاہدہ کیا۔ وزیراعلیٰ  نے چاک پر مٹی کی برتن، کھڈی پر کپڑے کی بنت، اونٹ کی کھال کی لیمپ دیکھے اور پسند کیے۔ وزیراعلیٰ مریم نواز نے روایتی پنجابی مونڈھے،منجیاں، لکڑی کے چولہے، چوبارہ اور دیگر اشیاء  میں دلچسپی لی، دستکاری سٹال پر ننھی وردا اور دیگر فنکاروں کی خواہش پر تصاویر بنوائیں۔

وزیراعلیٰ مریم نواز نے روایتی دیہاتی ماحول دیکھ کر اظہار مسرت، منفرد آئیڈیاکو سراہا۔ وزیراعلیٰ  نے”پنڈ“میں چھپرچھت والے روایتی گھروں،فرنیچر، مٹی کے برتن اور دیگرروزمرہ استعمال کی روایتی اشیاء دیکھ کر اظہار مسرت کیا۔وزیراعلیٰ مریم نواز پنجاب ثقافت دیہاڑ کی تقریب میں حامد رانا،سہیل اصغر، راشد محمود،عارف لوہار،ریشم اور دیگر سینئرفنکاروں کے درمیان بیٹھ گئیں۔ تقریب میں انسٹرومنٹل ٹیون پر قومی ترانہ پیش کیا گیا۔غیر ملکی سفارتکاروں،صوبائی وزراء، معاونین، افسران اور دیگر شرکاء نے پگڑیاں پہن کر شرکت کی۔ تقریب میں پیلے اور سرخ پنجابی لاچے کرتے میں ملبوس ڈھولچیوں نے فن کا مظاہرہ کیا۔ رنگا رنگ روایتی ملبوسات پہنے فنکاروں نے گیدا پیش کیا اور روایتی جوش وخروش سے للکارے۔پنجاب ثقافت دیہاڑ کی تقریب میں روایتی بھنگڑا،ماہیے اور ٹپے بھی پیش کیے گئے۔معروف گلوکار ہ حنا نصراللہ نے منفرد انداز میں پنجابی صوفی کلام پیش کیا۔ وزیر اعلیٰ نےدیگر فنکاروں کی پرفارمنس بھی دیکھی۔

صوبائی وزیر ثقافت و اطلاعات عظمی زاہد بخاری نے پنجاب دیہاڑ کی تقریب سے خطاب کرتے ہوئے کہا کہ75 سال کی تاریخ میں پہلی مرتبہ بڑے پیمانے پر پنجاب دیہاڑ منایا جا رہا ہے -پنجاب کی ثقافت اتنی وسیع و عریض ہے کہ اسے لفظوں اور سٹالز میں سے شو کیس کرنا ممکن نہیں -پنجاب دیہاڑ کی تقریب میں ہر ڈویژن کا روایتی ثقافتی سٹال لگایا گیا ہے- پنجاب کا کلچر اب یتیم نہیں رہا، مریم نواز شریف نے کلچر کو اصل روح سے بحال کیا-وزیر اعلیٰ مریم نواز شریف فنکاروں کی سرپرستی کر رہی ہیں -ترکیہ وزٹ پر وزیر اعلیٰ  عالمی توجہ کا مرکز بنی رہی -پنجاب کا ہر شہر اپنی منفرد پہچان رکھتا ہے-محمد نواز شریف اور مریم نواز  فنکاروں سے ڈائریکٹ رابطے میں رہتے ہیں -فنکاروں کے لیے پیکچ اور مراعات لائیں گے۔

تقریب میں دیگر فنکاروں  نے بھی شرکت کی۔