شیخوپورہ میں سفاکیت کی انتہا، جائیداد کے تنازع پر بھائی نے بھائی کا سر تن سے جدا کردیا
شیخوپورہ (ویب ڈیسک) شیخوپورہ میں سفاکیت کی انتہا، جائیداد کے تنازع پر بھائی نے بھائی کا سر تن سے جدا کردیا، پولیس کو تھانہ فیکٹری ایریا میں بازارسے سربریدہ لاش ملی، شناخت برکت علی کے نام سے ہوئی، پولیس نے قتل کے الزام میں مقتول کے بھائیوں شفاقت علی اورعلی رضا کو اہلیہ سمیت گرفتار کرلیا۔
آج نیوز کے مطابق شیخوپورہ پولیس تفتیشی ٹیموں نے اپنی تمام تر پیشہ ورانہ صلاحیتوں ں کو بروئے کارلاتے ہوئےمقتول کے قریبی رشتہ داروں کی مشکوک حرکات وسکنات اور گہرے شک کی بناء پر شامل تفتیش کیا۔ملزمان علی رضا،شفاقت علی پسران علی محمد، فرزانہ بی بی سکنائے خانپورنے بتایا کہ ہم نے مقتول جو کہ ہمارا بڑا بھائی ہے جائیداد حاصل کرنے کی خاطربروز وقوعہ رات کو مقتول اپنے گھر میں موجو د تھا تو ہم سب نے پہلے سے ہی اس کوقتل کرنے کا پلان بنایا ہواتھا۔
ملزمان کے مطابق مقتول جب وہ اٹھ کر واش روم جا نے لگا تو ملزم علی رضا نے اس کے سر پر کلہڑی کا وار کیا جس سے وہ زمین پر گرگیا پھر ہم نے اس کا سرآری سے جدا کیا، ساری رات اس کی نعش کو واش روم میں رکھا صبح سویرے موقع پا کر اس کے دھڑ کو بازار میں رکھ دیا اور سر کو سیم نالہ میں پھینک دیاتھا۔
