مریم نواز کو تو سب جانتے ہیں لیکن کیا آپکو معلوم ہے نوازشریف کی دوسری بیٹی کا کیا نام ہے اور جے آئی ٹی نے اپنی رپورٹ میں انکے بارے میں کیا کہا؟ َ انتہائی حیران کن انکشاف سامنے آگیا

اسلام آباد (ڈیلی پاکستان آن لائن ) پاناما لیکس کی مزید تحقیقات کرنے والے جے آئی ٹی نے اپنی رپورٹ میں وزیر اعظم نوازشریف ، مریم ، حسین اور حسن نواز کے ساتھ ساتھ کلثوم نواز اور وزیرا عظم کی دوسری بیٹی اسماءنوازکے اثاثوں سے متعلق بھی حیران کن انکشافات کر دیے ۔

اے آر وائے نیوز کے مطابق جے آئی ٹی کو دستیاب دستاویز میں بتایا گیا ہے کہ وزیر اعظم نوازشریف کی اہلیہ کلثوم نواز فیملی کاروبار کا حصہ ہیں جن کے اثاثے صرف ایک سال کے دوران ساڑھے 17گناہ بڑھے ۔وزیر اعظم کی دوسری صاحبزادی اور وزیر خزانہ اسحاق ڈار کی بہو اسماءنواز کے اثاثوں میں بھی 21.5گناہ اضافہ ہوا جو بڑھ کر 3کروڑ 15لاکھ تک جا پہنچے ۔
سپریم کورٹ میں جمع کرائی گئی جے آئی ٹی رپورٹ میں مزید انکشاف کیا گیا ہے کہ 1991 ءسے 1993ءکے دوران اسماءنواز کے اثاثے ساڑھے 21گنا ہ بڑھ کر3کروڑ 15لاکھ روپے ہو گئے اور وہ بھی بغیر کیس ظاہری آمدن ہے ۔حیران کن طور پر خسارے میں چلنے والی چودھری شوگر مل بھی اسماءنوازکو منافع دیتی رہی۔
رپورٹ میں کہا گیا ہے کہ چودھری شوگر مل نے اسماءنواز کو 11لاکھ 28ہزار کا منافع دیا جبکہ والد نوازشریف کی جانب سے بھی انہیں3کروڑ 8لاکھ روپے ملے مگر ان کے ذرائع کا خود نوازشریف کو معلوم نہیں ۔
رپورٹ میں بتایا گیاہے کہ1997ءمیں کلثوم کے اکاوئنٹ سے پیسے نکل بھی گئے جو کہاں گئے اس کا کسی کو پتہ نہیں۔1991ءسے 1993کے دوران کلثوم نواز کے اثاثے 16 روپے سے بڑھ کر 2 کرروڑ 86لاکھ ہو گئے جبکہ اس دوان ان کی آمدنی 2لاکھ 79ہزار روپے تھی ۔کلثوم نواز1984ء85سے ٹیکس ادا کر رہی ہیں ۔
جے آئی ٹی رپورٹ میں کہا گیا ہے کہ1991ءسے 92کے دوران 1.47ملین کے اسماءنواز کے اثاثوں کے حصول کے بارے کچھ نہیں بتایا گیا جنہیں وزیرا عظم نوازشریف نے اپنے انکم ٹیکس ریٹرن میں ظاہر کیا ہے تاہم بادی النظر میں یہ اقدام اثاثہ جات اور رقم کی ترسیل چھپانے کی کوشش تھی ۔