11سالہ بچہ کار چلاتے ہوئے تیز رفتار گاڑی کی ٹکر سے ہلاک
لاہور(ڈیلی پاکستان آن لائن)ڈیفنس کے علاقہ میں 11سالہ بچہ کار چلاتے ہوئے دوسری تیز رفتار گاڑی کی ٹکر سے موقع پر ہی ہلاک ہوگیا۔
تفصیلات کے مطابق افسوسناک واقعہ ڈیفنس فیز 6 میں پیش آیا۔ 11سالہ کاشف کے جاں بحق ہونے کا مقدمہ اسکے بھائی فیصل کی مدعیت میں تھانہ ڈیفنس سی میں درج کیا گیا۔مقدمہ کے مطابق نامعلوم کار نے کاشف کو ٹکر ماری، جس سے وہ موقع پر دم توڑ گیا۔پولیس نے نامعلوم کار سوار کیخلاف مقدمہ درج کر کے ملزم کی تلاش شروع کر دی ہے۔