پی ٹی آئی ورکرز اور وزیراعلیٰ خیبر پختونخوا آمنے سامنے آگئے
بنوں (ویب ڈیسک) بنوں میں پی ٹی آئی ورکرز اپنے وزیر اعلیٰ علی امین گنڈا پور کے خلاف میدان میں آگئے وزیر اعلیٰ کے خلاف نعرے بازی کرتے مظاہرین نے وزیر اعلیٰ پر روزگار چھیننے کا الزام عائد کیا۔
نجی ٹی وی آج نیوز کے مطابق سابقہ ٹرانسپورٹ ملازمین اور پی ٹی آئی ورکرز نے وزیراعلیٰ کے خلاف بنوں پریس کلب کے سامنے مظاہرہ کیا، ۔مظاہرین نے الزام عائد کیا کہ عمران خان نوجوانوں کو روزگار دے رہے تھے لیکن وزیر اعلیٰ کے پی نے ہمارا روزگار چھین لیا ہے۔
مظاہرین نے کہا علی امین گنڈاپور عمران خان کے ویژن کے خلاف جا رہے ہیں، مظاہرین نے علی امین گنڈاپور کے خلاف نعرے بازی بھی کی۔
