بلوچستان میں موبائل فون انٹرنیٹ سروس 2 ہفتے سے معطل، صارفین کو مشکلات کا سامنا
کوئٹہ(ڈیلی پاکستان آن لائن) بلوچستان بھر میں امن و امان کے پیش نظر موبائل فون انٹرنیٹ سروس 2 ہفتے سے معطل ہونے کی وجہ سے صارفین کو مشکلات کا سامنا کرنا پڑ رہا ہے۔
دنیا ٹی وی کے مطابق شہریوں کا کہنا ہے کہ انٹرنیٹ سروس کی معطلی سے صوبے میں طلبہ آن لائن کلاسز میں شرکت سے قاصر ہیں جبکہ فری لانسنگ اور آن لائن کاروبار سے وابستہ افراد کو شدید پریشانی کا سامنا ہے۔
صوبائی حکام کے مطابق موبائل فون انٹرنیٹ سروس سکیورٹی خدشات کی وجہ سے 31 اگست تک بند کی گئی ہے۔
بلوچستان ہائی کورٹ نے موبائل فون انٹرنیٹ کی معطلی سے متعلق نوٹیفکیشن پر دوبارہ غور کرنے کی ہدایت کی تھی، جن علاقوں میں سکیورٹی تھریٹ نہیں عدالت نے وہاں موبائل فون انٹرنیٹ ڈیٹا سروس بحال کرنے کی ہدایت کی تھی۔
