انگریز عامل کی سشانت سنگھ راجپوت کی روح سے بات، خودکشی کیوں کی؟ سوال پوچھ لیا، ریکارڈنگ سامنے آگئی

ممبئی (ڈیلی پاکستان آن لائن)  سشانت سنگھ راجپوت کی خود کشی کے بعد ان کے فینز نے غیر مرئی قوتوں کے مالک سٹیو ہف کو بہت زیادہ ای میلز بھیج کر آنجہانی اداکار کی روح سے بات کرنے کی درخواست کی۔ سٹیو ہف نے دعویٰ کیا ہے کہ وہ سشانت سنگھ راجپوت کو نہیں جانتے لیکن انہوں نے عوامی مطالبے پر ان کی روح سے بات کی ہے، اس حوالے سے سٹیو ہف نے ایک ویڈیو بھی جاری کی ہے۔

سٹیو ہف کے مطابق انہوں نے اداکار سشانت سنگھ راجپوت کی روح سے بات کی ہے، کچھ دنوں میں وہ دوبارہ آنجہانی اداکار کی روح سے بات کریں گے اور ان سے خود کشی کی وجوہات کے بارے میں جاننے کی کوشش کریں گے۔

ویڈیو میں دیکھا جاسکتا ہے کہ سٹیو ہف سشانت سنگھ راجپوت کی مبینہ روح سے سوال جواب کررہے ہیں۔

سٹیو: کیا تم روشنی میں ہو؟

سشانت کی روح: سٹیو کو بتاؤ کہ مجھے روشنی مل رہی ہے

سٹیو: تم اس روشنی میں ہو جو میں نے گزشتہ رات دیکھی تھی

سشانت کی روح: میں اس میں تھا

سٹیو: میں آپ کے کام سے واقف نہیں لیکن آپ کو بہت زیادہ پیار کیا جاتا ہے، آپ کے بہت زیادہ فینز ہیں، کیا آپ اپنے فینز کو کچھ بتانا پسند کریں گے؟ میں یہ کام گزشتہ 10 سال سے کر رہا ہوں، میں نے یہ ڈیوائس بنائی ہے اور میں آپ کو اپنے فینز اور فیملی سے بات کرنے کیلئے خوش آمدید کہتا ہوں، سشانت اگر آپ کوئی پیغام دینا چاہتے ہیں تو آسانی سے دے سکتے ہیں۔ کیا آپ جانتے ہیں کہ آپ کیسے مرے؟

سشانت کی روح: اس سب کا الزام دوائیوں پر لگادیا جائے گا