مردان میں بیٹے نے والد اور 2بھائیوں کو قتل کر کے خودکشی کر لی
مردان (ویب ڈیسک) بیٹے نے والد اور 2بھائیوں کو قتل کرنے کے بعد اپنی زندگی کا بھی خاتمہ کر لیا۔
پولیس کے مطابق مردان کے علاقے خورہ بانڈہ دربو کلی میں گھر میں فائرنگ سے 4 افراد ہلاک ہوئے۔پولیس کا بتانا ہے کہ ایک بیٹے کی فائرنگ سے والد اور 2بھائی جاں بحق اور ماں زخمی ہوئی، فائرنگ کرنے والے بیٹے نے خود کو بھی گولی مار کر خودکشی کرلی۔ابتدائی طورپراس جرم کی وجہ معلوم نہیں ہو سکی۔
پولیس کا کہنا ہے کہ واقعے کا مقدمہ درج کر لیا گیا ہے اور معاملے کی تحقیقات شروع کر دی گئی ہیں۔
