میاں چنوں میں سفاک شخص نے گدھی کو کلہاڑی کے وار سے شدید زخمی کردیا
![میاں چنوں میں سفاک شخص نے گدھی کو کلہاڑی کے وار سے شدید زخمی کردیا](https://dailypakistan.com.pk/digital_images/large/2024-06-19/news-1718782991-6699.jpg)
خانیوال (ویب ڈیسک) پنجاب کے علاقے میاں چنوں میں سفاک شخص نے کلہاڑی کے وار سے گدھی کو شدید زخمی کردیا۔
ایکسپریس نیوز کے مطابق سندھ کے بعد پنجاب میں بھی بے زبان جانور پرتشدد کا واقعہ سامنے آگیا ہے، جہاں خانیوال کے نواحی علاقے پل گھراٹ میں اسلم نامی ملزم نے گدھی کو کلہاڑی کے وار سے شدید زخمی کردیا۔پولیس کے مطابق زخمی گدھی کے مالک کی جانب سے ون فائیو پر کال کی گئی جبکہ مالک نے ملزم کے خلاف کاروائی کیلئے تھانہ تلمبہ میں درخواست دی۔
ایس ایچ او تلمبہ کے مطابق گدھی پر تشدد کی میڈیکل رپورٹ بھی تیار ہو رہی ہے، جس کے بعد مقدمہ درج کیا جائے گا۔اُدھر گدھی کے مالک نے اعلیٰ حکام سے ظالم کے خلاف کارروائی کا مطالبہ کیا ہے۔