چینی سرمایہ کاروں کو سہولیات فراہم کررہے ہیں،وزارت منصوبہ بندی

اسلام آباد(آن لائن)سی پیک چین پاکستان کیلئے ایک اہم منصوبہ ہے، گوادر پورے خطے کے لئے معاشی مرکز بن رہا ہے۔پلاننگ کمیشن کے حکام کے مطابق رواں سال پاکستان چین نے صنعتی، سماجی و معاشی اور زرعی تعاون کا سال قرار دیا ہے، سی پیک کے تحت جائنٹ وینچرز وپاکستانی برآمدات کو بڑھانے کیلئے اقدامات جاری رکھنے پر اتفاق کیا گیا ہے۔سی پیک صنعتی تعاون کو فروغ ملے گا، باہمی اتفاق سے ٹیکسٹائل، پیٹرو کیمیکلز و آئرن اینڈ سٹیل کے شعبے میں چینی سرمایہ کاری لانے کیلئے اقدامات جاری ہیں۔ وزارت منصوبہ بندی چینی سرمایہ کاروں کو ہر ممکن سہولیات فراہم کرنے کیلئے اقدامات پاکستان میں کاروبار کیلئے آسانیاں فراہم کرنے کیلئے پالیسی اصلاحات کررہی ہے۔ سماجی و معاشی شعبے میں تعاون کا اجرا جس کے تحت زراعت، تعلیم، صحت، غربت کے خاتمے، آبنوشی و فنی تربیت کے منصوبے جلد از جلد عملی بنائے جارہے ہیں۔ اس شعبے کے منصوبوں سے ملک کے پسماندہ علاقوں میں ترقی کا عمل شروع ہوگا۔
سی پیک منصوبہ