حسن نواز لندن میں ٹیکس ڈیفالٹر قرار، 5.2ملین پاؤنڈ جرمانہ کردیاگیا

لندن(ڈیلی پاکستان آن لائن)سابق وزیراعظم اور ن لیگ کے صدر نوازشریف کے صاحبزادے حسن نواز کو برطانیہ میں 5.2ملین پاؤنڈ کا ٹیکس جرمانہ  کردیاگیا۔

نجی ٹی وی چینل جیو نیوز کے مطابق برطانوی حکومت کی تازہ فہرست میں حسن نواز کو ’’ٹیکس ڈیفالٹر‘‘قرار دیدیا گیا،حسن نواز نے 5اپریل 2015سے 6اپریل2016تک تقریباً 9.4ملین پاؤنڈ کا ٹیکس ادانہیں کیا،برطانوی ٹیکس اتھارٹی نے حسن نوازپر 5.2ملین پاؤنڈ کاجرمانہ عائد کردیا۔

قانونی ماہرین کاکہنا ہے کہ دیوالیہ ہونے کے باوجود حسن نواز پر عائد جرمانے کی وصولی کاامکان موجود ہے،برطانوی قوانین کے تحت ٹیکس چوری کے جرمانے دیوالیہ ہونے پر بھی معاف نہیں ہوتے،حسن نواز کے خلاف برطانوی حکومت نے سرکاری ویب سائٹ پر تفصیلات شیئر کردیں۔