محمد علی باکسر کی 83ویں سالگرہ
باکسنگ کا کھیل پوری دنیا میں مقبول ترین کھیلوں میں سرفہرست ہے پوری دنیا سے اس کھیل میں باکسر اپنی صلاحیتوں کا لوہا منواتے ہیں اور کامیابی حاصل کرنے کے لئے کوشاں نظر آتے ہیں ایسا ہی ایک نام نامور امریکی باکسر محمد علی کا بھی ہے جو کسی تعارف کے محتاج نہیں ہیں انہو ں نے رنگ میں نامور باکسروں کو شکست سے دوچار کیا اور مسلسل کئی سال فتوحات حاصل کرنے کا نیا ریکارڈ قائم کیا ان کے مداح پوری دنیا میں موجود ہیں اور ان کی خدمات کو سراہتے ہیں محمد علی باکسنگ کی دنیا میں حریف باکسروں کے لئے ایک دہشت سمجھے جاتے تھے اور بڑے بڑے باکسروں کو جس طرح سے انہوں نے ریکارڈ وقت میں شکست سے دوچار کیا وہ قابل تعریف ہے آج وہ دنیا میں موجود نہیں ہیں لیکن اس کے باوجود آج بھی ان کی باکسنگ کو پوری دنیا میں سراہاجارہا ہے اور نوجوان باکسروں کے لئے وہ ایک مثال ہیں باکسنگ کی دنیا کے بے تاج بادشاہ اور لیجنڈ امریکی باکسر محمد علی کی 83 ویں سالگرہ منائی گئی۔محمد علی نے 17 جنوری 1942 کو امریکی شہر لوئسویل کے ایک مسیحی گھرانے میں آنکھ کھولی اور ان کا نام کاسیئس کلے رکھا گیا، انہوں نے 1970 میں اسلام قبول کیا۔باکسنگ کی دنیا کے بے تاج بادشاہ محمد علی نے 29 اکتوبر1960 کو آبائی قصبے لوئسویل میں پہلا مقابلہ جیتا اور 1960 کی دہائی میں انہوں نے روم اولمپک میں سونے کا تمغہ جیتا۔محمد علی نے 1964 میں دنیائے باکسنگ کے خطرناک ترین کھلاڑی سونی لسٹن کو شکست دے کر بے پناہ شہرت حاصل کی، 1974 میں انہوں نے جارج فورمین کو شکست دے کر 32 سال کی عمر میں باکسنگ کا عالمی ٹائٹل اپنے نام کیا۔باکسنگ میں محمد علی کا کیریئر 20 سال پرمحیط رہا اس دوران انہوں نے 56 مقابلے جیتے اور 37 باکسرز کو ناک آٹ کیا، لیجنڈ باکسرمحمد علی کو ورلڈ باکسنگ کونسل کی جانب سے کنگ آف باکسنگ کا خطاب بھی دیا گیا۔4 جون 2016 کو یہ عظیم باکسر 74 برس کی عمر میں انتقال کر گیا لیکن مداحوں کے دلوں میں آج بھی زندہ ہے۔
