سانحہ چارسدہ، سرچ آپریشن میں 22مشتبہ افراد گرفتار،ڈی پی او نے مستند اطلاع دینے پر 10لاکھ روپے انعام کا اعلان کر دیا
چارسدہ (مانیٹرنگ ڈیسک) با چا خان یونیورسٹی پر دہشت گردوں کے حملے کے بعد علاقے میں سرچ آپریشن ، 22مشتبہ افراد گرفتار، نامعلوم مقام پر منتقل کر کے تفتیش کی جارہی ہے ، ڈی پی او چارسدہ نے یونیورسٹی پر حملے کے حوالے سے مستند اطلاع دےنے پر 10لاکھ روپے انعام کا اعلان کر دیا ۔
نجی ٹی وی کے مطابق با چاخان یونیورسٹی پر دہشت گردوں کے حملے کے بعد سرڈھیری اور دوسہرہ میں چارسدہ پولیس نے کاروائی کر تے ہوئے 22مشتبہ افراد کو گرفتار کرکے تفتیش کے لئے نامعلوم مقام پر منتقل کر دیا ہے ۔ دوسری طرف ڈسٹرکٹ پولیس آفیسر چارسدہ سہیل خالد نے با چا خان یونیورسٹی پر حملے کے حوالے سے مستند اطلاع دینے والے شہریوں کو دس لاکھ روپے انعام دینے کا اعلان کر دیا اور واضح کیاکہ اطلاع دینے والوں کا نام صیغہ راز میں رکھا جائےگا۔
