طورخم سرحد پر امیگریشن کے سسٹم میں خرابی، افغانستان پیدل آمدورفت آج بھی معطل

خیبر (ڈیلی پاکستان آن لائن )پاکستان اور افغانستان کے درمیان طورخم سرحد پر امیگریشن کمپیوٹرائزڈ سسٹم خراب ہوگیا۔
نجی ٹی وی جیو نیوز نے امیگریشن ذرائع کے حوالے سے بتایاکہ گزشتہ روز 25 دن بعد طورخم سرحدی گزرگاہ کو تجارت کے لئے کھول دیا گیا تھا تاہم امیگریشن سسٹم میں خرابی کے باعث پیدل آمدورفت گزشتہ روز بحال نہ ہوسکی تھی۔ 
امیگریشن ذرائع کا کہنا ہے کہ امیگریشن سسٹم کی مرمت کیلئے انجینئرز طلب کر لئے گئے ہیں تاہم خرابی کی وجہ سے افغانستان پیدل آمدورفت آج بھی معطل رہے گی۔
امیگریشن ذرائع کے مطابق سسٹم کی مرمت جلد مکمل کئے جانے کا امکان ہے۔