پاکستان ائیر فورس نے جدید ترین پی ایف ایکس بنانے کا اعلان کر دیا

کراچی ( ڈیلی پاکستان آن لائن ) پاکستان ایئر فورس نے اہم سنگ میل عبور کر لیا ۔

تفصیلات کے مطابق دفاعی نمائش آئیڈیاز 2024  میں پاکستان ائیر فورس (پی اے ایف) نے جدید ترین پاکستان فائٹر ایکس بنانے کا باقاعدہ اعلان کیا ہے۔

"جیو نیوز " کے مطابق ائیرکموڈور اظہر کے مطابق جےایف 17 بلاک تھری کے بعد ایک اور جدید طیارہ پی ایف ایکس  تیاری کے مراحل میں ہے،  پی ایف ایکس پاکستان کا اپنا فائٹر پروگرام ہے۔ائیرکموڈور نے بتایا کہ پی ایف ایکس 4.5  پلس جنریشن طیارہ ہے جس پرلگے سسٹم پر کنٹرول بھی ہمارا اپنا ہے،  پی ایف ایکس کو مکمل طور پر اپنے ذرائع سے بنا رہے ہیں اور آپ  جلد پی ایف ایکس کو  اڑتا ہوا دیکھیں گے۔