پنجاب میں کمسن بچوں کی میتیں قبروں سے نکالنے کا دلخراش واقعہ، علاقے میں خوف و ہراس

چنیوٹ (ویب ڈیسک) چنیوٹ تھانہ سٹی کے علاقے منڈی شیخاں میں واقع قبرستان سے کمسن بچوں کی میتوں کو قبروں سے نکال لیا گیا۔

"آج نیوز" کے مطابق  چنیوٹ سرگودھا روڈ پر واقع قبرستان  سے  رات گئے بچوں کی میتیں نکال لی گئیں۔قبروں کو کھود کر میتیں نکال کر کفن قبرستان میں ہی پھینک دئیے گئے۔ واقعہ کی اطلاع ملتے ہی علاقہ مکینوں کی بڑی تعداد قبرستان پہنچ گئی۔ قبریں کھودے جانے کہ واقعہ کا سن کر علاقے میں خوف و ہراس پھیل گیا۔

دوسری جانب تھانہ سٹی پولیس نے جائے وقوعہ پر پہنچ کر تحقیقات کا آغاز کردیا۔