نہروں کا معاملہ: کراچی بار کی سٹی کورٹ میں ہڑتال، داخلی دروازے بند ، عدالتی کارروائی معطل
کراچی(ڈیلی پاکستان آن لائن )سندھ بار کونسل کی کال پر کراچی بار کی سٹی کورٹ میں ہڑتال جاری ہے۔
نجی ٹی وی جیو نیوز کے مطابق سندھ بارکونسل نے نہروں کی تعمیرکے معاملے پرغیرمعینہ مدت کیلئے عدالتی کارروائی کے بائیکاٹ کا اعلان کیا ہے جس کے باعث سٹی کورٹ میں ہڑتال کے دوران وکلا نے کورٹ کے داخلی دروازے بند کردیے۔
دوسری جانب عدالت کے باہر سائلین کا رش لگ گیا اور عدالتی کارروائی معطل کردی گئی ہے۔
سندھ بار کونسل کے مطابق وکلابرادری کے مطالبات تسلیم نہ ہونے تک عدالتی کارروائی کا بائیکاٹ جاری رہے گا۔
