وزیراعظم نے آزادکشمیر میں دانش سکول سسٹم کا سنگ بنیاد رکھ دیا
بھمبر(ڈیلی پاکستان آن لائن )وزیراعظم شہباز شریف نے آزاد کشمیر میں دانش سکول سسٹم کا سنگ بنیاد رکھ دیا۔
نجی ٹی وی جیو نیوز کے مطابق بھمبر میں تقریب سے خطاب میں وزیر اعظم نے کہا کہ دانش سکول سسٹم پسماندہ اور مستحق بچوں کے خوابوں کی تعبیرثابت ہوگا۔
شہباز شریف نے کہا کہ سکول میں لڑکے اور لڑکیوں کے الگ کیمپس ہوں گے، ایک سال کی ریکارڈ مدت میں سکول کا آغاز کیاجائے گا۔
وزیراعظم کا کہنا تھا کہ آزاد کشمیرکے مزید 2 اضلاع میں بھی جلد دانش سکول سسٹم کا سنگ بنیاد رکھیں گے۔
