بھائی کا ماڈل سے تعلق نہیں، مجھے پھنسایا جارہا ہے: رحمان ملک

اسلام آباد (آئی این پی) پیپلزپارٹی کے رہنما سینیٹر رحمان ملک نے کہا ہے کہ ان کے بھائی کا ماڈل ایان علی سے ملنے والے پیسے سے کوئی تعلق نہیں ہے، دراصل مجھے پھنسایا جارہا ہے۔ میڈیا سے بات چیت کرتے ہوئے رحمن ملک نے کہا جس نے یہ الزام ان کے بھائی پر لگایا ہے اس کے خلاف 10 ارب روپے ہرجانے کا دعویٰ دائر کیا ہے، ان کا کہنا تھا کہ دو دن میں دودھ کا دودھ پانی کا پانی ہوجائے گا۔