جرمن ڈائریکٹر نے سلمان خان کے ساتھ کام کا ناخوشگوار تجربہ شیئر کردیا

ممبئی (آئی ا ین پی) ماضی میں متعدد بالی ووڈ اسٹارز کے ساتھ کام کرنے والی جرمن ہدایتکار مشیل نے سلمان خان کی پیشہ ورانہ مہارت کو تنقید کا نشانہ بناتے ہوئے انکشاف کیا ہے کہ وہ سیٹ پر 7 ، 7گھنٹے انتظار کرواتے ہیں۔

بھارتی میڈیا رپورٹس کے مطابق  حال ہی میں جاری ایک ویڈیو بیان میں جرمن ڈائریکٹر کا کہنا تھا کہ  میں نے کئی مشہور شخصیات کے ساتھ کام کیا جن میں سے کچھ  شخصیات کی پیشہ ورانہ مہارتیں سوالیہ نشان ہیں، جیسے کہ سلمان خان جو ہمیں سیٹ پر 7 گھنٹے تک باآسانی سے انتظار کرواتے تھے اور جب ہم یہ جان گئے اس کے بعد ہم جب بھی ان کے ساتھ شوٹنگ کرتے اپنادوسرا کام بھی سیٹ پر لے جاتے کیونکہ ہمیں معلوم تھا ہم سارا دن وہاں بیٹھے رہیں گے اور شاید  سیٹ پر کوئی نہیں جانتا تھا کہ وہ کب آئیں گے۔مشیل کا بتانا تھا اسی دستاویزی فلم کیلئے میرا شاہ رخ خان کے ساتھ کام کا تجربہ اچھا رہا، میں نے ڈاکومینٹری کیلئے شاہ رخ کو ڈائریکٹ کیا وہ اچھے انسان ہیں ۔جرمن ہدایتکار نے بتایا کہ انہوں نے عالیہ بھٹ کے ساتھ ایک اشتہار کے لیے بھی کام کیا وہ بے حد کول اور پروفیشنل ہیں۔