آل راونڈر شاداب خان علاج کے لیے انگلینڈ روانہ ہوگئے
لاہور (سپورٹس رپورٹر) پاکستان کرکٹ ٹیم کے آل راونڈر شاداب خان علاج کے لیے انگلینڈ روانہ ہو گئے ۔پی سی بی کے مطابق سپنر میں وائرس کی تشخیص کے بعد علاج کے لیے ڈاکٹر سے وقت لے لیا گیا ہے۔ جمعرات کو ڈاکٹر پیٹرک کینیڈی سپنر کا معائنہ کریں گے۔واضح رہے کہ ورلڈکپ کے لیے پاکستان کرکٹ ٹیم کے لگائے گئے کیمپ میں چیک اپ کے دوران سپنر کے خون میں وائرس کی تشخیص ہوئی تھی جس کے بعد ڈاکٹروں نے انہیں چار ہفتے مکمل آرام کا مشورہ دیا گیا تھا۔
انگلینڈ کی سیریز میں ان کی جگہ ٹیسٹ سپنر یاسر شاہ کھیلیں گے۔
