روس کا یوکرینی دارالحکومت پر میزائلوں اور ڈرونز سے حملہ، 9 افراد ہلاک

کیف(ڈیلی پاکستان آن لائن )روس نے یوکرینی دارالحکومت پر میزائلوں اور ڈرون طیاروں سے حملہ کیا جس کے نتیجے میں 9 افراد ہلاک اور متعدد زخمی ہو گئے۔
نجی ٹی وی جیونیوز نے غیر ملکی میڈیا کے حوالے سے بتایا کہ روسی فوج نے یوکرینی دارالحکومت کیف کو بڑے پیمانے پر میزائلوں اور ڈرون طیاروں سے نشانہ بنایا جس کے نتیجے میں 9 افراد ہلاک اور 6 بچوں سمیت 63 افراد زخمی ہو گئے۔
رپورٹ کے مطابق روسی فوج نے حملے میں 11 بیلسٹک میزائل، 55 کروز میزائل فائر کئے اور 145 ڈرونز بھی بھیجے جبکہ 4 گلیڈ بم بھی حملے میں استعمال کئے گئے۔ 
یوکرینی حکام کا کہنا ہے کہ ایئر فورس کے طیاروں نے روس سے آنے والے 48 میزائلوں اور 64 ڈرونز کو مار گرایا۔