اے آر رحمٰن کو اسلام قبول کرتے ہوئے خاندانی دباﺅ کا سامنا ہوا: بھارتی فلمساز کا انکشاف

ممبئی (ڈیلی پاکستان آن لائن )معروف بھارتی گلوکار اے آر رحمٰن ایک ہندو موسیقار شیکھر کے گھر پیدا ہوئے تھے اور پیدائش کے وقت ان کا نام دلیپ کمار رکھا گیا تھا۔
روز نامہ جنگ کے مطابق اے آر رحمٰن نے اپنے والد کی موت کے کئی برس بعد اسلام قبول کیا تھا اور پھر ان کا نام اللہ رکھا رحمٰن رکھا گیا۔
حال ہی میں بھارتی فلم ساز راجیو مینن نے اپنے ایک انٹرویو کے دوران اے آر رحمٰن کے مذہب تبدیل کرنے کے فیصلے کے بارے میں بات کی۔
ا±نہوں نے بتایا کہ ایک ایسا وقت بھی تھا جب اے آر رحمٰن کو ہندی بالکل نہیں آتی تھی تو میں ان کے اور اسلامی سکالرز کے درمیان مترجم بنا اور اس وقت میں نے اے آر رحمٰن کا اسلام کی طرف منتقلی کا دور دیکھا۔
بھارتی فلم ساز نے بتایا کہ اسلام قبول کرنے کا فیصلہ کرتے ہوئے اے آر رحمٰن پر خاندان کی طرف سے شدید دباﺅ تھا خاص طور پر ان کی بہنوں کی شادیوں کے حوالے سے لیکن موسیقی نے ا±نہیں اس دباﺅ سے نکلنے میں مدد دی۔
ا±نہوں نے بتایا کہ اے آر رحمٰن کے اسلام قبول کرنے سے ہمیں ہندوستانی موسیقی اور قوالیوں کو دریافت کرنے میں بھی مدد ملی۔
واضح رہے کہ بھارتی گلوکار اے آر رحمٰن نے 1980ءمیں اپنے گھر والوں کے ہمراہ اسلام قبول کیا تھا۔