اب تک جنوبی پنجاب سے پی ٹی آئی کے کتنے کارکنان گرفتار ہو گئے ؟ تفصیلات سامنے آگئیں

ملتان(ڈیلی پاکستان آن لائن)جنوبی پنجاب میں پولیس نے کارروائیاں کرتے ہوئے 4438 چھاپے مارے جس دوران تمام اضلاع سے 1536 کارکنان کو گرفتار کر لیا گیاہے ، تمام افراد کو جنوبی پنجاب میں نقص امن پیدا کرنے کے الزام میں حراست میں لیا گیاہے ۔

ملتان ڈویژن میں 2952 چھاپے مارے گئے جس دوران 1182 پی ٹی آئی کارکنان کو حراست میں لیا گیا جبکہ بہاولپور ڈویژن میں 1161 کارروائیاں کی گئیں جس میں 255 افراد کو گرفتار کیا گیا ۔

ڈیرہ غازی خان میں 323 چھاپوں کے دوران 99 کارکنان کو گرفتار کر لیا گیا ۔ پولیس کا کہناہے ک کسی کو بھی نقص امن پیدا کرنے کی اجازت نہیں دی جائے گی ۔