10ویں بیٹل ایکس پولوکپ2024ءکا فائنل ٹیم ڈائمنڈ پینٹس نے جیت لیا

لاہور(سپورٹس رپورٹر) لاہور گیریژن پولو گراؤنڈ کے زیراہتمام10واں بیٹل ایکس پولوکپ2024ء  کا فائنل ٹیم ڈائمنڈ پینٹس نے جیت لیا۔ فائنل میں دلچسپ مقابلے کے بعد ٹیم نیوایج کیبلز کی ٹیم کو 8-7 سے شکست کا سامناکرنا پڑا۔ تفصیلات کے مطابق پاکستان پارک کیولری گراؤنڈ میں کھیلے گئے اس فائنل کو دیکھنے کیلئے تماشائیوں اور فیملیز کی ایک بہت بڑی تعداد موجود تھی۔ اس موقع پر ٹی سی ایل کی جانب سے بڑی بڑی ایل سی ڈیز لگا کر میچ دیکھنے کا اہتمام بھی کیا گیا تھا۔ فائنل میچ کے مہمان خصوصی مسٹر جنکو ینگ لی جنرل مینجر ٹی سی ایل پاکستان، ٹی سی ایل پاکستان کے محمد اویس، سیکرٹری لاہور گیریژن پولو گراؤنڈز میجر بابر محبوب (ر) اور سابق کھلاڑیوں کی ایک بہت بڑی تعداد موجود تھی۔ ڈائمنڈ پینٹس اور نیوایج کیبلز کی ٹیموں کے درمیان فائنل میچ کافی دلچسپ رہا جو ڈائمنڈ پینٹس نے 8-7 سے جیتا۔ ڈائمنڈ پینٹس کی طرف سے میرحذیفہ احمد نے پانچ، عامر رضا بہبودی نے تین گول سکور کیے۔ نیوایج کیبلز کی طرف سے راجہ سمیع اللہ نے پانچ، المان جلیل اعظم اور احمد بلال ریاض نے ایک ایک گول سکور کیا۔ واضح رہے کہ اس ٹورنامنٹ کا فائنل سموگ کی شدت کی وجہ سے نہیں ہو سکا تھا جو کہ اب مکمل ہوا۔