پیپلزپارٹی سے سیٹ ایڈجسٹمنٹ سے متعلق بات نہیں ہوئی،چودھری شافع حسین

گجرات (ڈیلی پاکستان آن لائن)مسلم لیگ ( ق ) کے جنرل سیکرٹری چودھری شافع حسین کا کہنا ہے کہ پیپلز پارٹی کے ساتھ سیٹ ایڈجسٹمنٹ کے حوالے سے کوئی بات نہیں ہوئی جبکہ مسلم لیگ( ق) سے سیٹ ایڈجسٹمنٹ کے حوالے سےمسلم لیگ (ن) نے کمیٹی بنا دی ہے جس میں رانا ثناء اللہ، ایاز صادق اور سعد رفیق شامل ہیں  اور ان کی طرف سے بھی اس حوالے سے کمیٹی بن گئی ہے جس وہ،چودھری سالک حسین ،طارق بشیر چیمہ اور چودھری سرور شامل ہیں۔

چودھری شافع حسین کا کہنا تھا کہ شریک چیئرمین پیپلز پارٹی آصف علی زرداری چودھری شجاعت کی عیادت کیلئے آئے تھے اس موقع پر سیٹ ایڈجسٹمنٹ کے حوالے سے کوئی بات نہیں ہوئی۔

انہوں نے کہا کہ مجھے امید ہے کہ اس دفعہ سندھ سے بھی ق لیگ کی کچھ سیٹیں نکلیں گی، پنجاب میں ق لیگ 15 سے20امیدوار الیکشن میں کھڑے کرے گی۔