خیبر کے علاقے میں تیندوے نے حملہ کرکے بچے کو زخمی کردیا
پشاور (ڈیلی پاکستان آن لائن) خیبر کے علاقے میں تیندوے کے حملے میں مقامی بچہ زخمی ہوگیا۔
پولیس کے مطابق واقعہ خیبر کے علاقے شلوبر میں پیش آیا، جسے علاج کیلئے ہسپتال منتقل کر دیا گیا۔پولیس کا کہنا ہے کہ بچے کے زخمی ہونے کے بعد مقامی افراد نے فائرنگ کر کے تیندوے کو ہلاک کردیا ۔
خیال رہے کہ منگل کے روز سندھ کے علاقے جامشورو میں چیتے انسانی آبادی میں گھس آیا، جس کے بعد دیہاتیوں نے فائرنگ کرکے چیتے کو ہلاک کردیا تھا۔ ڈپٹی کنزرویٹو محکمہ جنگلی حیات سندھ کا کہنا تھا کہ جبل کامبوہ کا پہاڑی سلسلہ بلوچستان تک پھیلا ہوا ہے، امکان ہے کہ تیندوا وہیں سے گاؤں میں داخل ہوا۔
