’کہیں نہیں جا رہا نماز پڑھ کر پھر آتے ہیں‘، سوشل میڈیا پر وائرل علی امین کی ویڈیو کی حقیقت سامنے آ گئی

پشاور (ویب ڈیسک) خیبرپختونخوا کے وزیراعلیٰ علی امین گنڈاپور کی پاکستان تحریک انصاف کے احتجاج میں کارکنوں سے تکرار کی پرانی ویڈیو وائرل ہوگئی۔

نجی ٹی وی جیونیوز کے مطابق سوشل میڈیا پر ایک ویڈیو وائرل ہے جس میں دیکھا جا سکتا ہے کہ پی ٹی آئی کارکنوں نے علی امین کی گاڑی کو گھیر رکھا ہے اور نعرے لگا رہے ہیں کہ اڈیالہ جانا ہے۔

اس موقع پر علی امین کا کہنا تھاکہ کہیں نہیں جا رہا ریسٹ ایریا میں جاکر وضو کرتے ہیں نماز پڑھتے ہیں پھر آتے ہیں۔اس پر وہاں موجود کارکن بھی ان کی بات مان لیتے ہیں اور انہیں جانے کی اجازت دیتے ہیں۔

یہ ویڈیو تیزی سے سوشل میڈیا پر وائرل ہو رہی ہے تاہم ویڈیو کے پرانے ہونے کی تصدیق ہو گئی ہے، یہ ویڈیو دراصل 4 اکتوبر کی ہے۔

خیال رہے کہ خیبرپختونخوا کے وزیراعلیٰ علی امین گنڈاپور کی قیادت میں پی ٹی آئی کا قافلہ حضرو انٹرچینج تک پہنچا ہے، اس قافلے میں بشریٰ بی بی بھی شریک ہیں۔