عسکری ٹاور جلاؤ گھیراؤ کیس ، شاہ محمود قریشی پر 2 دسمبر کو فرد جرم عائد ہو گی
لاہور(ڈیلی پاکستان آن لائن)عسکری ٹاور جلاؤ گھیراؤ کے مقدمے میں پاکستان تحریک انصاف کے رہنمائوں شاہ محمود قریشی،عمر سرفراز چیمہ سمیت دیگر کیخلاف فرد جرم کی تاریخ مقرر کر دی گئی۔
نجی ٹی وی چینل ہم نیوز کے مطابق انسداد دہشتگردی عدالت کے جج منظر علی گل نے کوٹ لکھپت جیل میں عسکری ٹاور جلاؤ گھیراؤ کے مقدمے کی سماعت کی۔عدالت نے جیل ٹرائل کے دوران شاہ محمود قریشی اورعمر سرفراز چیمہ سمیت دیگر کے خلاف فرد جرم عائد کرنے کیلئے 2 دسمبر کی تاریخ مقرر کر دی۔
عدالت نے آئندہ سماعت تمام ملزمان کو فرد جرم کیلئے طلب کر لیا، عمر سرفراز چیمہ کو کوٹ لکھپت جیل میں پیش نہیں کیا جا سکا۔
