پنجاب: کچے کے 40 ڈاکوؤں کے سر کی قیمت 50 لاکھ اور 25 لاکھ روپے مقرر
لاہور ( ڈیلی پاکستان آن لائن ) محکمہ داخلہ پنجاب نے کچے کے خطرناک ڈاکوؤں کے سر کی قیمت سے متعلق دوسری فہرست جاری کر دی۔
نجی ٹی وی "دنیا نیوز" کے مطابق محکمہ داخلہ نے کچے کے 40 خطرناک ڈاکوؤں کے نام، تصاویر اور سر کی قیمت جاری کی ہے، فہرست کے مطابق 20 ڈاکوؤں کے سر کی قیمت 50 لاکھ اور 20 کی ہیڈ منی 25 لاکھ روپے مقرر کی گئی ہے۔
50 لاکھ کی ہیڈ منی والے مطلوب ڈاکوؤں میں حبیب ولد علی بخش، قربان ولد ل±نگ، فرحت ولد برکت، عیسیٰ ولد مراد، متارا ولد میوہ ،ایوب عرف صداری ولد مراد، شیرا ولد وریام، عالمگیر ولد حاجی میر، غلام قادر عرف گمن ولد امداد مطلوب ڈاکو ہیں۔
فہرست کے مطابق موج علی ولد اللہ دتہ، فیاض ولد تگیا، ہزارہ ولد میوہ، چھالو بکھرانی، وزیر الیاس بڑا، شاہو منڈا ،ابراہیم ولد قطب، شاہد ولد خان محمد، منیر الیاس ولد اکبر، جمیل ولد قادر بخش اور عاشق ولد اصغر کے سر پر بھی 50 لاکھ روپے کی انعامی رقم مقرر کی گئی ہے۔
جاری کردہ فہرست میں25 لاکھ کی ہیڈ منی والے مطلوب ڈاکوؤں میں یعقوب ولد کٹی، شاہنواز ولد میر محمد، بشو ولد جنگال، چھوٹو ولد منظور،عبدالستار ولد جمعہ، ملوک ولد ماہی وال، دوست محمد ولد عطا اللہ، بہادر ولد عطا اللہ، ظفر عرف ظفری ولد اللہ یار ، شبیر ولد دوست محمد، نواب ولد میر دوست، صابر دین ولد علی بخش، ستار ولد منظور، عبدالغنی ولد علی بخش مطلوب ڈاکو ہیں۔
