زمبابوے کے خلاف میچ میں دھواں دار سنچری کے بعد صائم ایوب کی گفتگو

کراچی(ڈیلی پاکستان آن لائن) دوسرے میچ  میں دھواں دار طریقے سے بیٹنگ کرتے ہوئے 62گیندوں پر سنچر ی مار کر بہترین کھلاڑی کا ایوارڈ حاصل کرنے والے سیم ایوب نے گفتگو کرتے ہوئے ٹیم کی حکمت عملی اور اپنی کارکردگی پر روشنی ڈالی۔

انہوں نے کہا ہم پہلے میچ کو بھول چکے ہیں اور اس میچ کو بھی بھولنے کی کوشش کریں گے کیونکہ ہم حال پر توجہ دے رہے ہیں اور ایک وقت میں ایک میچ کو اہمیت دے رہے ہیں۔پچ کے حوالے سے بات کرتے ہوئے سیم ایوب نے کہا، "پچھلے میچ میں گیند زیادہ رک کر آ رہی تھی اور موسم بھی مختلف تھا۔ آج پچ ایک طرف سے سست اور دوسری طرف سے بہتر تھی، اس لیے محتاط رہنا ضروری تھا۔ میں نے سوچا کہ اپنی تمام شاٹس استعمال نہ کروں۔انہوں نے مزید کہاہم ہر طرح کی پچ کے لیے پریکٹس کرتے ہیں، صرف ایک مخصوص پچ کے لیے نہیں۔