کورونا سے جاں بحق ڈاکٹر ایم جاوید سول ایوارڈ کیلئے نامزد

پشاور (آئی این پی)خیبرپختونخوا (کے پی)حکومت نے کورونا سے جاں بحق ہونے والے حیات آباد میڈیکل کمپلیکس کے پروفیسر ڈاکٹر محمد جاوید کو سول ایوارڈ کیلئے نامزدکردیا۔ اتوار کووزیر اعلیٰ خیبرپختونخواکے مشیر اطلاعات اجمل وزیر کا کہنا ہے کہ ڈاکٹر محمد جاوید کی شہادت کوحکومت اور قوم سلام پیش کرتی ہے۔قوم پر جان تو نچھاورکی لیکن خدارا ان کی نصیحت پر عمل کرکے گھروں سے نہ نکلیں۔خیال رہے کہ گذشتہ روز پشاور کے حیات آباد میڈیکل کمپلیکس کے پروفیسر ڈاکٹر محمد جاوید کورونا وائرس سے انتقال کرگئے تھے، وہ ایک ہفتہ قبل کورونا سے متاثر ہوئے تھے اور حالت بگڑنے پر انہیں وینٹی لیٹر پر رکھا گیا تھا تاہم وہ جانبرنہ ہوسکے۔ اس سے قبل گلگت میں ڈاکٹر اسامہ اور سندھ میں ڈاکٹر عبدالقادر سومرو بھی کورونا سے جاں بحق ہوچکے ہیں جب کہ ملک میں متعدد ڈاکٹر اور پیرا میڈیکل اسٹاف کورونا سے متاثر ہوئے ہیں۔
سول ایوارڈ