مردان: دہشتگردوں سے مقابلہ، ایس پی شہید، ڈی ایس پی سمیت 2 اہلکار زخمی، 2 دہشتگرد مارے گئے

پشاور(ڈیلی پاکستان آن لائن ) مردان میں دہشتگردوں کی فائرنگ سے پولیس کے ایس پی اعجاز خان شہید ہوگئے۔
نجی ٹی وی جیو نیوز کے مطابق ترجمان سی ٹی ڈی نے بتایا کہ مردان کے علاقے زڑہ متہ میں پولیس اور دہشتگردوں کے درمیان فائرنگ کا تبادلہ ہوا جس دوران دہشتگردوں کی فائرنگ سے ایس پی اعجاز خان شہید ہوگئے۔ترجمان نے بتایا کہ دہشتگردوں کی فائرنگ سے ڈی ایس پی سمیت 2 اہلکار شدید زخمی بھی ہوئے جنہیں طبی امداد کے لئے ہسپتال منتقل کردیا گیا جبکہ پولیس کی جوابی فائرنگ سے 2 مطلوب دہشتگرد مارے گئے۔
پولیس ذرائع کا بتانا ہے کہ مردان کے علاقے کاٹلنگ میں دہشتگردوں کے خلاف انٹیلی جنس بیسڈ آپریشن کیا گیا جس میں پولیس کو انتہائی مطلوب دہشتگرد محسن قادر مارا گیا۔دوسری جانب شہید ایس پی اعجاز خان کی نماز جنازہ پولیس لائنز میں ادا کردی گئی جس میں ڈی پی او مردان اور دیگر پولیس حکام نے شرکت کی۔