63 سالہ پاکستانی شہری نے پرائمری سکول میں داخلہ لے لیا
لوئر دیر (ویب ڈیسک) علم حاصل کرنے کے لیے عمر کی کوئی قید نہیں ہوتی اور اس قول کی زندہ مثال بنے ہیں لوئر دیر کے63 سالہ دلاور خان جنہوں نے پرائمری سکول میں داخلہ لے لیا ہے۔
جیو نیوز کے مطابق 63 سالہ طالب علم دلاور خان لوئر دیر کے علاقے خونگی کے رہائشی ہیں جو غربت سے بھری مشکل زندگی اور خاندان کی کفالت کی ذمہ داریوں کے باعث بچپن میں سکول نہ جاسکے تاہم وہ اپنا یہ شوق اب پورا کر رہے ہیں۔ دلاور خان نے پڑھنے کے لیے پرائمری سکول میں داخلہ لیا ہے اور اب وہ اپنے ننھے دوستوں کے ساتھ روز صبح سویرے سکول جاتے ہیں۔
لوئر دیر کے 63 سالہ دلاور خان نے پرائمری اسکول میں داخلہ لے لیا pic.twitter.com/1MdV1R1ZvQ
— Geo News Urdu (@geonews_urdu) December 27, 2023
دلاور خان کا کہنا ہے کہ وہ دین کو بہتر انداز میں سمجھنے اور اسلام کی تبلیغ کے لیے علم حاصل کرنا چاہتے ہیں، سکول کے اساتذہ اور ساتھی طلبا بھی ان کے جذبہ شوق سے بہت متاثر ہیں۔
