خیرپور، آسمانی بجلی گرنے سے لاکھوں روپے مالیت کی درجنوں بکریاں ہلاک
خیرپور (ڈیلی پاکستان آن لائن) نارا کے علاقے اچھرو تھر میں بکریوں کے ریوڑ پر آسمانی بجلی گرنے سے لاکھوں روپے مالیت کی 40 بکریاں ہلاک ہوگئیں۔
ایکسپریس نیوز کے مطابق بکریوں کے ریوڑ پر آسمانی بجلی گرنے کا واقعہ اچھرو تھر کے نواحی گاؤں فقیر محمد بھنبھرو میں پیش آیا۔متاثرہ مالکان کا کہنا ہے کہ آسمانی بجلی گرنے سے ان کی گلابی نسل کی 40 بکریاں ہلاک ہوگئی ہیں، جس سے انہیں لاکھوں روپے کا نقصان ہوا ہے۔
