شاہ رخ خان کے بیٹے آریان کے ضمانتی مچلکوں پر کس معروف بھارتی اداکارہ نے دستخط کیئے؟ نام آپ کے تمام اندازے غلط ثابت کر دے گا

ممبئی (ویب ڈیسک) بالی ووڈ سپر سٹار شاہ رخ خان کے بیٹے آریان خان کو ایک لاکھ روپے کے ضمانتی مچلکوں کے عوض ضمانت منظور کرتے جیل سے رہائی مل گئی ہے لیکن اب خبر سامنے آئی ہے کہ ان کے ضمانت کے مچلکوں پر معروف بھارتی اداکارہ جوہی چاولہ نے کیئے۔

نارکوٹکس کنٹرول بیورو (این سی بی) نے 2 اکتوبر کو ممبئی کے ساحل کے قریب ایک کروز شپ پر چھاپہ مار کر منشیات استعمال کرنے کے الزام میں آریان خان اور دیگر افراد کو حراست میں لیا تھا۔آریان خان تقریباً 28 روز تک منشیات کیس میں زیر حراست رہے اور بھارت کے سابق اٹارنی جنرل مکھل روہت جی نے 3 روز تک ہائیکورٹ میں کیس لڑ کر آریان کی ضمانت منظور کروائی۔

ممبئی ہائیکورٹ نے گزشتہ روز ایک لاکھ روپے کے ضمانتی مچلکوں کے ساتھ کچھ شرائط پر آریان خان کی ضمانت منظور کی تھی۔آریان خان کے ضمانتی مچلکوں پر  شاہ رخ کے کیرئیر کی ابتدائی دنوں کی ساتھی اور معروف بھارتی اداکارہ جوہی چاولہ نے دستخط کیے ہیں۔جوہی چاولہ آریان خان کی ضامن ہیں جس کا مطلب ہے کہ اگر آریان رقم ادا کرنے میں ناکام رہے تو اداکارہ جوہی چاولہ اس کی قانونی طور پر ذمہ دار ہوں گی۔ ممبئی سیشن کورٹ کے باہر صحافیوں سے بات کرتے ہوئے جوہی چاولہ نے کہا تھا میں خوش ہوں کہ یہ سب ختم ہوا اور آریان بہت جلد گھر واپس آجائیں گے۔ میرے خیال میں یہ سب کے لیے انتہائی پرسکون بات ہے۔ ”اب بچہ گھر آجائے گا“۔