ساتھ دشمن کے چلنا بری بات ہے ۔۔۔

ساتھ دشمن کے چلنا بری بات ہے 
منزلوں  کو   بدلنا   بری  بات  ہے 

راس  آتی    نہیں   بھیڑ   بازار   کی
"گھر سے باہر نکلنا بری بات  ہے"

ہو سکے تو  زباں سے  کہو  کچھ  میاں
من ہی من میں مچلنا بری  بات ہے

بات   پوچھا  کرو  ، بات  سمجھا  کرو
سادگی  میں  ا چھلنا   بری  بات ہے 

دیپ ہر اک جلے  ہاتھ سے  ہی مگر 
دیپ کے سنگ جلنا بری بات ہے 

چاند  تارے  گرانے پہ  مائل ہو گر
شام سورج  کا ڈھلنا بری بات ہے

طاقتیں  جو  ملیں ان کو  امبر سنبھال
منگ  سینے  پہ  دلنا  بری بات ہے 

کلام : ڈاکٹر شہباز  امبر  رانجھا