سگریٹ نو شی کےخلاف عالمی دن آج پاکستان میں 46فیصدمرد ،5.7 فیصدخواتین عادی، آگاہی واکس
کوٹ ادو(تحصیل رپورٹر)پاکستان سمیت دنیا بھرمیں سگریٹ نو شی کے خلاف آگاہی کا عالمی دن آج منایا جائےگا،اس (بقیہ نمبر30صفحہ6پر )
دن کومنانے کا مقصد لوگوں میں اس سگریٹ نو شی اور منشیات کے استعمال سے لاحق ہونے والے خطرات اور اس کے مضر صحت اثرات کے متعلق لوگوں کو آگاہی فراہم کرنا تھا۔جنوبی ایشیا میں سگریٹ نوشی کے استعمال کے حوالے سے پاکستان سر فہرست ہے، پاکستان ڈیمو گریفک ہیلتھ سروے کے مطابق پاکستان میں 46%مرد جبکہ5.7 خواتین سگریٹ نو شی میں شامل ہیں،پاکستان میں زیادہ تر کاروباری حضرات، کسان، مزدورسمیت نوجوانوں کی بڑی تعداد اس کا شکار ہے،دوسری جانب 2013میں عالمی ادارہ صحت (WHO) کی جانب سے جاری کر دہ رپورٹ کے مطابق پاکستان میں 31.8%مرد،5.8%خواتین جبکہ 19.1% نوجوان نسل کسی نہ کسی قسم کے نشے کے استعمال میں ملوث ہیں جن کے ان کی زندگی خوف ناک اثرات مرتب ہو رہے ہیں۔علاوہ ازین نوجوانوں میں 13.3%لڑکے،6.6%لڑکیاں اور 10.7%ہر کسی کی نوجوان نسل سگریٹ نو شی یا منشیات کا استعمال کر تے ہیں۔طبی ماہرین کے مطابق سگریٹ نو شی دل کے امراض اور کینسر جیسے مہلک امراض سمیت دیگر بیماریوں کا سبب بنتی ہے جبکہ پاکستان میں سالانہ ایک لاکھ سے زائد اموات کی وجہ تمباکو نوشی کے باعث پیدا ہونے والی بیماریاں ہیں۔اس کا واحد حل انسانی طر ززندگی میں بہتری،ورزش، سرکاری و نجی دفاتر اور عوامی مقامات پر سگریٹ کے کھلے استعمال پر پابندی سمیت سمگل سگرٹ کی فروخت پر پابندی،سگریٹ پر ٹیکس عائد کرنا اور لوگوں میں اس حوالے سے آگاہی فراہم کرنا ہے۔
