پانچویں کلاس میں فیل کرنے پر ننھے طلبہ نے اساتذہ کے خلاف پریس کانفرنس کردی

خیبر ایجنسی (ڈیلی پاکستان آن لائن) جمرود میں پانچویں کلاس کے معصوم طلباءامتحان میں فیل ہونے پر اساتذہ کے خلاف پریس کانفرنس کرنے پریس کلب جا پہنچے اور اساتذہ پر اقربا پروری کا الزام عائد کردیا۔
نجی ٹی وی ایکسپریس نیوز کے مطابق گورنمنٹ پرائمری سکول جمرود کے طلبہ کو اساتذہ نے پانچویں کلاس کے امتحان میں فیل کیا کیا ننھے طلبا سکول انتظامیہ کے خلاف پریس کلب جا پہنچے۔ طلبا نے الزام لگایا کہ اساتذہ نے لائق بچوں کو فیل کرکے اپنے رشتہ داروں کو اچھے نمبروں سے پاس کردیا اور ان لڑکوں کو زیادہ نمبر دیے گئے ہیں جو کلاس میں پڑھائی نہیں کرتے تھے۔ طلبا نے اعلیٰ حکام سے نوٹس لینے اور اقربا پروری کرنے والے اساتذہ کے خلاف کارروائی کا مطالبہ کیا ہے۔
دوسری جانب خیبر ایجنسی کے ایجوکیشن حکام کا کہنا ہے کہ طلبہ شکایت لے کر آئے تھے جس کی تحقیقات کی جا رہی ہیں، اساتذہ کے خلاف شکایت درست نکلی تو سخت کارروائی کی جائے گی جبکہ طلبہ کا دوبارہ امتحان لے کر حقدار کو اس کا حق دیا جائے گا۔

امتحان میں فیل کیوں کیا۔۔۔۔۔۔۔۔؟
خیبرایجنسی میں اسکول کے بچوں کی انتظامیہ کیخلاف پریس کانفرنس
مزید ویڈیوز دیکھیں : https://t.co/UGa6D25Hxc pic.twitter.com/og2SWyCRmD

— Express News (@ExpressNewsPK) April 1, 2017