صدر ممنون حسین اور وزیر اعظم نواز شریف کی قوم کو عید کی مبارکباد
اسلام آباد(مانیٹرنگ ڈیسک ) صدر ممنون حسین اور وزیر اعظم نواز شریف نے قوم کو عیدالفطر کی مبارک باد دی ہے،،وزیر اعظم نواز شریف کا کہنا ہے کہ متاثرین وزیرستان کی آبادکاری تک عید کی خوشیاں ادھوری ہیں، صدر ممنون حسین نے وطن عزیز کی خاطر جانیں قربان کرنے والے جوانوں کو خراج تحسین پیش کیا ہے۔تفصیلات کے مطابق وزیراعظم نواز شریف نے عید پر اپنے پیغام میں کہا کہ متاثرین وزیرستان کی آباد کاری تک عید کی خوشیاں ادھوری ہیں، میں یہ عید بہادر فوجیوں اور شمالی وزیرستان کے متاثرین کے نام کرتا ہوں،شہدا کی قربانیاں رنگ لائیں گی اور ملک کو دہشت گردی سے ہمیشہ کے لئے نجات ملے گی۔ اپنے پیغام میں صدر ممنون حسین کا کہنا تھا کہ ہمیں عید کے موقع پر ملت اسلامیہ اور پاکستان کی ترقی کیلئے دعا کرنی چاہئےاور عید کی خوشیوں میں شمالی وزیرستان کے بہن بھائیوں کو بھی شریک کرنا چاہئے،اللہ پاکستان کی سرزمین کو ہر طرح کی دہشت گردی سے پاک فرمائے۔
