کلبھوشن یادیو نے آرمی چیف جنرل قمر باجوہ سے رحم کی اپیل کر دی :آئی ایس پی آر
راولپنڈی (ڈیلی پاکستان آن لائن)بھارتی جاسوس کلبھوشن یادیو نے آرمی چیف جنرل قمر جاوید باجوہ سے معافی مانگتے ہوئے سزائے موت پررحم کی اپیل کردی ہے ۔
افغانستان میں دھماکہ ،29افراد شہید ،50سے زائد زخمی
پاک فوج کے شعبہ برائے تعلقات عامہ (آئی ایس پی آر ) کے مطابق بھارتی خفیہ ایجنسی ’’را‘‘کے ایجنٹ کلبھوشن یادیونے اپنی اعترافی ویڈیو میں ریاستی دہشتگردی اور جاسوسی میں ملوث ہونے کااعتراف کرتے ہوئے چیف آف آرمی سٹاف جنرل قمر جاوید باجوہ کو رحم کی اپیل کرتے ہوئے معافی مانگ لی ہے ۔ واضح رہے کہ کلبھوشن یادیو کودہشتگردانہ سرگرمیوں اور جاسوسی میں ملوث ہونے پر سزائے موت سنا دی گئی ہے جبکہ بھارتی ایجنٹ نے ملٹری اپیلٹ کورٹ میں بھی نظر ثانی درخواست دائر کی تھی لیکن وہاں بھی اس کی درخواست مسترد ہو گئی تھی۔یہاں یہ بات بات قابل ذکر ہے کہ آرمی چیف اگر اپیل مسترد کریں گے تو آخری اپیل صدر کو بھیجی جا سکتی ہے جبکہ کلبھوشن کی جاری کی جانے والی یہ دوسری اعترافی ویڈیو ہے جس میں اس نے دہشتگردی سمیت دوسری کارروائیوں میں ملوث ہونے کا اعتراف کیا ہے۔
دوسری جانب کلبھوشن یادیو کا اپنے اعترافی بیان میں کہنا تھا کہ میں بھارتی بحریہ میں کمیشنڈ آفیسر ہوں اورمیرا بھارتی نیوی کا نمبر 41558 زولو ہے۔ میرا عرفیت والا نام حسین مبارک پٹیل ہے، میں نے 2005 اور2008 میں کراچی کا دورہ کیاجس کا مقصد بحریہ تنصیبات سے متعلق بنیادی خفیہ اطلاعات جمع کرناتھا یہی نہیں پاک بحریہ کے اثاثوں کی اور ان کے علاوہ جو معلومات ملیں وہ بھی حاصل کیں جبکہ میں خفیہ اطلاعات جمع کرنے2بارکراچی گیا۔کلبھوشن نے مزید کہا کہ بھارتی خفیہ ایجنسی ’را‘ نے یہ محسوس کرلیا تھا کہ 2014 میں نریندر مودی کی حکومت ہوگی، لہٰذا میری خدمات را کے سپرد کردی گئیں، میری بنیادی ذمہ داری مکران کے ساحلی علاقوں، کراچی، بلوچستان، کوئٹہ اور تربت کے علاقوں میں ہونے والی دہشت گردانہ کارروائیوں پر نظر رکھنا، ان کو پایہ تکمیل تک پہنچانا اور اس سلسلے میں تمام انتظامات احسن طریقے سے نبھاناتھی۔
ویڈیو دیکھیں۔
His mercy petition to Mil Appellate Court was already rejected.
— Maj Gen Asif Ghafoor (@OfficialDGISPR) June 22, 2017
Second confessional video at https://t.co/GldmIYLOsl . (2 of 2) pic.twitter.com/EqmbRyinRI
